Por buenos servicios que vos fiel nuestro Garcías de Vera, escudero, que tenedes por nos el castiello e las fortalezas de la villa de Molina, nos havedes fecho, de grado e de cierta sciencia por nos e los nuestros sucessores, por tenor d'esta present carta damos e atorgamos a vos e a los vuestros successores e a quin queredes por derecho de heredat perpetuelment las aldeas de la dicha villa de Molina que se siguen: es a saber, Castellnuevo e Chequa e Tholorega e Vallfermoso, las quales aldeas o lugares con hombres e mugeres, rentas, drechos, términos e pertinencias d'aquellas, e con la iurisdiccion civil, vos damos assi como millor se puede decir e entender a todo vuestro provecho e a buen e sano entendimiento a vender, dar, empenyar, retener e fer d'aquello todas vuestras voluntades. Man­dantes con esta misma carta a todos e sengles hombres e mugeres de las dichas aldeas e cada una d'aquellas que d'aqui adelant vos hayan por senyor suyo e vos fagan jura e homenatge e a vos e a los vuestros successores e a quin queredes, e no a nos ni a otri alguno responden de todas rendas, drechos e esdevenimientos e de la dicha jurisdicción civil e de todas otras cosas que a nos como senyor de la dicha vi­lla son o eran tenidos, exceptado la otra jurisdicción que a nos retenemos. Aun mandamos a nuestro caro primogénito el duch, general governador de nuestros regnos e tierras, e a su portant vezes en regno d'Aragón. e a otros todos e sengles officiales nuestros de la dicha villa e a otros presentes e avenideros, que esta nuestra gracia e donación a vos e a los vuestros perpetuament tiengan e observen e contra no hi vingan por alguna razón. En testimonio de la qual cosa vos mandamos fer esta carta con el siello de la nuestra magestat en pendient seellada. Dada ut supra. Signo et testimonios ut supra.